«Аударма – өркениет феномені ретінде: әл-Фараби мен түркі ғұламаларының мұрасы негізінде» атты халықаралық ғылыми конференция әл-Фараби атындағы Қазақ ұлттық университетінде Әбу Насыр әл-Фарабидің 1155 жылдығына арналған IV ХАЛЫҚАРАЛЫҚ ФАРАБИ ФОРУМЫ аясында өтті. Конференция аясында Әл-Фараби атындағы Қазақ ұлттық университеті мен «IHSAN» ғылым және мәдениет орталығы арасында Ынтымақтастық жөніндегі меморандумға қол қойылды.
Меморандум мақсаты:
Тараптар арасында келесі салаларда біріккен жұмыстар атқаруға келісілді:
Бейбітшілікті және конфессияаралық келісімді насихаттауға, діни экстремизм және терроризмге қарсы бағытталған келесі іс-шараларды өткізу: брифингтер, тренингтер, кездесулер, акциялар, біліктілікті арттыру курстары арқылы қоғам сұранысына сай білікті теологтерді даярлау және діни қызмет саласындағы өзекті мәселелер туралы ақпараттық-түсіндіру жұмыстары бойынша әдістеме-анықтамалық материалдарды бірігіп әзірлеу;
Тараптармен келісілген кез келген әрекеттестік түрлері әрі тәжірибелік жұмыстарын ұйымдастыру және т.б. іс-шараларды өткізу.
Конференция соңында «IHSAN» ғылым және мәдениет орталығынан жарық көрген еңбектер университет кітапханасына сыйға берілді.
